Tag Archives: մոսկվա

Ակադեմիկոս Հակոբ Մանանդյանը իր կես դար տևող գիտական արգասովոր գործունեության ընթացքում մեծ ծառայություն է մատուցել հայոց, և ոչ միայն հայոց, պատմության մի շարք մութ ու կնճռոտ հարցերի լուսաբանման ասպարեզում։ Գիտական լայն հասարակայնությանը հայտնի են նրա այնպիսի կարևոր աշխատությունները, ինչպիսիք են «Հունաբան դպրոցը», «Ֆեոդալիզմը հին Հայաստանում», «Հին Հայաստանի Գլխավոր ճանապարհները», «Ժողովրդական ապստամբությունները Հայաստանամ արաբական տիրապետության դեմ», «О торговле и городах Армении в связи с мировой торговлей древних времен» «Քննական տեսություն հայ ժողովրդի պատմության», «Տիգրան Երկրորդը և Հռոմը», «Հին Հայաստանի և Անդրկովկասի մի քանի պրոբլեմների մասին» և տասնյակ ուրիշներ:

Continue reading →

ՀՐԱՉԻԿ ՍԻՄՈՆՅԱՆ
«Գարուն», թիվ 4, 1989

Հայ ժողովրդի պատմության ամենաողբերգական էջերից մեկը Հայաստանի դեմ Թուրքիայի զավթողական պատերազմն էր 1920թ. սեպտեմբերի 28-ից դեկտեմբերի 2-ը ընկած ժամանակաշրջանում։
Դա այն ժամանակն էր, երբ Կոմինտերնի II կոնգրեսը (1920թ. մայիս), հաշվի առնելով Գերմանիայում (1918 թ.) և Հունգարիայում (1919թ.) ծագած հեղափոխականների փորձը, դրանց պարտությունից արված դասերը և քննարկելով համաշխարհային պրոլետարական հեղափոխության զարգացման հեռանկարները, եկել էր այն եզրակացության, որ տվյալ էտապում հակաիմպերիալիստական պայքարը և համաշխարհային հեղափոխությունը բորբոքող գլխավոր ուժը եվրոպական գաղութարարների դեմ Արևելքի, հատկապես մուսուլմանական ժողովուրդների, ազատագրական կռիվն է։ Իսկ ողջ Արևելքի հակաիմպերիալիստական պայքարի ղեկավար ուժ համարվեց քեմալական Թուրքիան։
Continue reading →